Ma’lum qilinishicha, iqlim o’zgarishi va urbanizasiya jarayonlari tufayli dunyoda kuzatilayotgan anomal issiq jamoat salomatligi uchun jiddiy xavfga aylanib bormoqda. Bunday ob-havo sharoitida kasallanish va o’lim ko’rsatkichlari oshayotgani xavotirlidir.

Xususan, keyingi to’rt yilda Evropa mintaqasida jazirama oqibatida 200 mingdan ortiq odam hayotdan ko’z yumgan. Eng yuqori ko’rsatkichlar Italiya, Ispaniya, Germaniya va Gresiyada qayd etilgan.

Yangi tavsiyalar anomal issiqdan barvaqt ogohlantirish tizimlarini rivojlantirish, aholining xavf guruhlarini xabardor qilish, shaharlarda yashil hududlar va suv havzalarini ko’paytirish kabi muhim chora-tadbirlarni o’z ichiga oladi.

Unda keltirilishicha, bunday ob-havo sharoitida, ayniqsa, 65 yoshdan oshgan aholi qatlami va surunkali kasalliklardan aziyat chekuvchi bemorlar o’z salomatligiga yanada e’tiborli bo’lishlari kerak.

SSV matbuot xizmati.